बैतडी: बैतडीको पाटनमा राष्ट्रिय स्वतन्त्र पार्टीको हस्ताक्षर अभियान तथा नगर सभाको आयोजना गरिएको छ । जिल्ला तथा केन्द्रिय प्रतिनिधिहरुको सहभागितामा हस्ताक्षर अभियान तथा नगर भेलाको आयोजना गरिएको हो ।
आजको भेलाबाट बैतडीबाट रास्वपा सभापति रवि लामिछानेको पक्षमा संकलन गरिएका हस्ताक्षरहरु केन्द्रलाई बुझाइएको छ । हस्ताक्षर संख्या यकिन गर्न बाकी रहेको रास्वपा बैतडीले जनाएको छ । भेलामा बोल्ने वक्ताहरुले बैतडीको मुहार फेर्नको लागि भएपनि रास्वपाले नेतृत्वमा आउनुपर्नेमा जोड दिएका थिए ।
केन्द्रिय सह प्रबक्ता रमेश प्रसाइले बैतडीबाट झुजारु युवाहरुको टिम रास्वपमा रहेकाले एक पटक नेतृत्वमा पु¥याउनुपर्ने धारणा राखे । “जिल्लाबाट लगातार प्रतिनिधित्व गरेका सांसद तथा मन्त्रीहरुले जिल्लालाई दुर्गतीमा लगाए, अव ०८४मा रास्वपालाई मौका दिनुहोस्, एक पटक मौक दिएर नराम्रो काम गरेको अवस्थामा घण्टीले नै हानेर पछार्नुहोस्,” प्रसाइले भने ।
हस्ताक्षर अभियानका सचिव प्रमोद न्यौपानेले रास्वपा सभापति रवि लामिछानेलाई सत्तापक्षले खादै नखाएको विस लगाएर फसाएको बताए । “पटक पटक सत्तामा पुगेका दल तथा नेतृत्वले देशलाई पछाडी धकेले, त्यसपछि परिवर्तनको लागि हामिले आउनुप¥यो, हाम्रो लहर देखेर सरकारले हामिलाई झुटो मुद्धा लगाएर पछाडी पार्न खोजे तर रास्वपा झन बलियो कन्दै छ ।” उनले भने ।
जिल्ला अध्यक्ष भिम नाथको सभाध्यक्षतामा आयोजना गरिएको भेलामा रास्वपाका केन्द्रिय सहप्रवक्ता रमेश प्रसाई प्रमुख अतिथि थिए । हस्ताक्षर अभियानका सचिव प्रमोद न्यौपानेसहितका नेताहरुको सहभागिता रहेको थियो।
प्रतिक्रिया जनाउनुहाेस्
